Studying Abroad

التدريب الصيفي في أمريكا – الجزء الأول ( مرحلة التقديم)

2638
2638

 

:اولاً قبل الدخول في تفاصيل التدريب والتقديم هناك بعض النقاط لابد من توضيحها

  • يفضل تكون خلال سنواتك الدراسية الأخيرية، حتى تستفيد من التدريب وفرصة حصولك على ورقة توصية تكون أفضل فمهاراتك ومعلوماتك ستكون كافية بأن تثبت نفسك خلال التدريب، و أيضاً تنصح المحلقية الثاقفية بأنك تكون في أخر سنة لك من الدراسة.

  • كونك طالب طب، فانت غير مؤهل بأن تقوم بأي شيء طبية التدريب الصيفي ستكون observational ship بمعنى ستحضر كل يوم للتعلم و المراقبة، قد يسمح لك الطبيب بأن تقوم ببعض الزمور البسيطة ولكن اجعل في بالك ان هناك احتمال كبير جداً أنك لن تقوم بعمل أي شيء ولكن بالتأكيد ستتعلم الكثير.

  • اغلب الجامعات والمستشفيات لاتقبل الطلاب الأجانب وإن كان في جامعة تقبل فتكون بشروط شبه تعجيزية أو تتطلب أن تكون جامعتك ضمن الجامعات التي تتعامل معاها او بينهم اتفاق مسبق، تأكد من إدارة الجامعة الخاصة بك إن كان لديها أي من هذه الاتفاقيات

لذلك الطريقة المثالية لأي طالب أجنبي هو التقديم عن طريق شركات رسمية لتدريب الطلاب الأجانب، تقدر تلاقي في موقع المحلقية الثقافية شركات مقترحة من قبلهم و جامعات تنصح بها.

رابط الملحقية الثاقافية بأمريكا: http://www.sacm.org/MedicalUnit/summer.aspx

و أحد هذي الشركات الموجودة في موقع الملحقية والتي سأكتب عنها وعن خطوات التقديم بالتفصيل هي

 AmeriClerkships

موقع الشركة: https://www.acmedical.org/ 

 

فكرة الشركة:

عامل وسيط بينك وبين المستشفيات و الأطباء. مرحلة التقديم بشكل مختصر:

توصل معهم من خلال الموقع> حدد التخصص اللي ترغب به و المدينة> حيرسل لك ايميل فيه رابط تظهر لك الخيارات المتوفرة > اختر المدينة وكمل اجراءات التقديم.

فيزا أمريكا:

التقديم على الفيزا سيكون بمساعدة من الشركة بحيث حتعطيك أوراق وحتوجهك بحيث تكون مقابلتك وقت الفيزا سهلة بالنسبة للي عندهم فيزا من قبل الأفضل التواصل مع الشركة ومعرفة الإجراءات الازمة وحوضح خطوات  التقديم على الفيزا في آخر المدونة.

 

حضر نفسك قبل التواصل مع الشركة:

  • قبل ما تتواصل مع الشركة حاول انك تكون مختار التخصص اللي تبغاه، اقرأ عن التخصص في امريكا، طبيعة العمل، وحاول انه يكون هو التخصص اللي انت تبغاه تتدخله حتى يساعدك في القبول ويكون نقطة جيدة لك في السيرة الذاتية.

  • اختر المدينة اللي ترغب بها مثلاً لو لك احد تعرفه صدبق او قريب يكون أفضل، اقرأ عن المدينة أكثر ولكن موأكيد تجد فيها مكان للتدريب ولكن السركة تساعدك باختيار المكان المناسب.

  • ادخل موقع الشركة واقرأ الشروط، تصفح الموقع بشكل عام خذ فكرة عنهم وعن الخدماتهم.

 

التواصل مع الشركة:

ادخل موقع الشركة، تواصل معهم من خلال موقعهم، في مربع المحادثة، حيرد عليك في نفس الوقت قلهم عنك، وانك تبغا تاخذ تدريب في الصيف هو حيرد عليك ويبدأ يستفير اكثر من اي دولة انت وفي اي سنة و بعد ما ياخذ المعلومات اللي يحتاجها حيحولك للشخص المسؤول للتسجيل.

 

كل هذي المحادثات لاتتطلب تسجيل مسبق و الموظفين جداً جداً متعاونين، حيبدأ الشخص المسؤول يستفسر منك اكثر بخصوص التدريب:

كم المدة المطلوبة؟ هل هذا التدريب جزء من منهجك الدراسي ام تطوعي؟ بمعني هل عليه درجات وحتطلع باسم الكلية الخاصة بك او شخصي.

و المدينة التي ترغب فيها و التخصص…الخ. حيرسل لك الخيارات من خلال رابط، تفتح الرابط وتظهر لك خريطة فيها المدن و المستشفيات المتوفرة لهذا التخصص.

الخيارات المتوفرة:

كل تخصص يختلف عن الآخر وكذلك كل فترة غير عن الثانية لان الشركة تتعاقد مع أطباء و مستشفيات فكل فترة ممكن يتغيروا. الخيارات المتوفرة متعددة بعضها تكون عيادات خارجية والبعض تكون داخل مستشفى طبعاً تختلف في السعر. بعد ما يرسل لك رابط راح تكون مفتوحة لك لمدة حتى تاريخ محدد مكتوب في الايميل بحيث انك تقرأ الخيارات بشكل جيد و ترسل لهم الخيارات التي ترغب بها لو احترت بين أكثر من خيار تقدر تتواصل معهم وتكتب لهم الخيارات المحتار فيها وهما يساعدوك يقولوا لك اية افضل

 

الأسعار:

الأسعار تكون بالأسبوع ويتراوح من ٤٠٠- ١٢٠٠ $، أغلب الخيارات التي توفر تدريب داخل مستشفى تكون فوق ٩٠٠$ ولكن هذي الأسعار غير ثابته وتختلف باختلاف التخصص والمدينة و الفترة اللي حتروح لها كذلك كل مازدت المدة كل ما قل السعر بمعنى تدريب لمدة شهرين لها سعر اخر و عروض اخرى يفضل تستفسر من الشركة نفسها عن هذا الأمر حتى تحصل على عرض أفضل.

 

:ما بعد الاختيار:

بعد ماتحدد الخيار المناسبة لك تبدأ اجراءات التسجيل، وهي على عدة خطوات، ولن يتم تأكيد التدريب وحجز مكان لك إلا بعد التسجيل والدفع. خطوات التسجيل تكون على عدة مراحل، ولكن كلها بسيطة، و .سيتم إرسال ايميل لكل خطوة بشكل منفصل بعد الانتهاء من الخطوة السابقة

أولاً سيتم ارسال ورقة على ايميلك للتسجيل موضح في الايميل طريقة تعبئة الورقة، ثم سيتم إرسال طلبك موضح فيه المدة و السعر والمركز ورقم الخيار بعد ما تتأكد من كل التفاصيل قوم بإكمال الطلب و الدفع ( سنتطرق بموضوع الدفع بشكل مفصل في اخر المدونة)

 

بعد اتمام الدفع تبدأ مرحلة أخرى من الإجراءات و هي الأوراق المطلوبة لإكمال التسجيل:

 قد تستغرق مدة التسجيل وإكمال البينات والمستندات المطلوبة من ٣- ٤ أسابيع ربما أكثر أو أقل حسب مدى تجهيزك للأوراق وسرعة إنهائك للمطلوب.

 اولاً مقابلة اون لاين مع مسؤول الشركة، تسجل فيها من خلال رابط حيترسل لك، وانتبه بأن تغير التوقيت للسعودية ، اختر التاريخ المناسب لك و الوقت. سيتم ارسال ايميل تذكير بالمقابلة في نفس اليوم مرفق فيه رابط لتجربة الدخول للمقابلة وتجربة ال connection ضروري انك تجرب كل شي قبل المقابلة لان لو اتأخرت عن المقابله راح تضطر تعيد الجدولة و تدفع.

خلال المقابلة:

المقابلة مدتها من ٢٠ دقيقة الى ٣٠ دقيقة، هدف المقابلة هو توجيهك لما ستقوله في مقابلة الفيزا بحيث تتجنب فرصة رفض الفيزا. مايحتاج تشغل كاميرا بس بالصوت، ممكن يكون في اكثر من شخص في المقابلة حيكون الشخص اللي يقابلكم هو المؤسس لهذي الشركة، في البداية راح يعرف عن نفسه و يتأكد من كل واحد و من تدريبك والمدينة اللي تبغها والتخصص و بعدين حيبدأ يتكلم عن مقابلة الفيزا ويوضح لك ايش تقول وكيف تجاوب للأسئلة، وثم سيتكلم معك عن التدريب ويعطيك نصائح بالنسبة للسكن وكيف تتصرف حتى تضمن اخذ ال letter of recommendation

وحيجاوبك عن أي سؤال عندك، بعد الانتهاء من المقابلة سيتم ارسال ورقة خطاب من الشركة موضحة فيها كل تفاصيل التدريب حتى تقدمها للسفارة الأمريكية. لو انتهيت من اون لاين ميتنق تقدر تبدأ في إجراءات الفيزا وسنتطرق لها في اخر المدونة.

باقي الورق و الأمور المطلوبة حتلاقيها موجودة في صفحة خاصة بك ترفع فيها الأوراق اللي انتهيت منها عندك فرصة الى قبل ما تبدأ بكم اسبوع و الأفضل انك تخلص منها بوقت كافي حتى يتم تأكيد تسجيلك فلو كانت المستندات كلها غير متوفرة الى وقت قريب من التدريب ممكن يلغوا طلبك.

 

المستندات بسيطة:

  • صورة لك زي صور جواز السفر
  • جواز السفر الخاص بك
  • فيزا لزيارة أمريكا
  • شهادة تعريف من الجامعة أو كشف درجاتك( اي ورقة تثبت انك طالب(
  • سيرة ذاتية خاصة بك (زي اي سيرة ذاتية بتقدمها لاي مكان)
  • اختبار ال HIPAA (هذا الاختبارحتعمله اون لاين جداً بسيط وهو متعلق بشكل أساسي عن خصوصية المريض و احترام المريض الاختبار ماله وقت محدد وتلاقي الاجابات كلها في قوقل وهي خيارت متعددة، لازم تجيب ٨٠٪ حتى تعتبر مؤهل للتدريب)
  • حضور الميتنق اون لاين اللي تكلمنا عنه، بعد ماتنتهي من المقابلة راح تكون هذي الخانة مكتملة
  • تأمين صحي يمكن استخدامه في امريكا
  • اثبات تطعيمات ال MMR, Hepatitis B, Tetanus, Varicella, and  Proof of Negative PPD

 

كل ما انتهيت من ورقة ترفعها من خلال صفحتك الخاصة برفع المستندات والتي حتوصل خلال ايميل أول ما سجلت، الصفحة مفتوحة لك ومايحتاج تسجل للدخول ولا شي بس افتح الرابط، الأفضل انك تضيفها في المفضلة حتى توصل لها بشكل أسرع وكل ماخلصت من ورقة افتح الرابط و ارفعها في الخانة الخاصة فيها، الرفع جداً سهل ولا يطلبوا حجم معين ولا اي تعقيدات ويجيك الرد في نفس اليوم لو انها تحتاج لتعديل

 

نقطة مهمة:

 

جواز السفر، الفيزا، و ورقة التعريف من الجامعة بازم يتم توثيقها اون لاين من خلال موقع اسمه NotaryCam,

الأمر جداً بسيط تدخل لموقع Notary cam من خلال رابط المرسل لك من الشركة و تسجل موعد لتوثيق الأوراق وترفع الأوراق المطلوبة

الجلسة كلها ب ٧٥$ فالأفضل انك تعملها بعد ما تستلم فيزتك حتى تدفع مرة وحدة للأوراق الثلاثة

الأمر ما ياخذ ١٠ دقايق ولكن يحتاج الى استخدام الكاميرا، حيوصل لك ايميل من notary فيه رابط للدخول ، تفتحه و حيكون الشخص المسؤول موجود ممكن رجل او امرأة، حيسألك ايش اسمك و يقول لك ارفع جوازك وقربه من الكاميرا. وبعد كذا حيخليك توقع على كم ورقة اون لاين حيطلب منك تحرك الماوس وتختار توقيع و تحطه على الورق و بس تنتهي المقابلة، بعدها حيجيك ايميل منهم بالورق الموثق هذا اللي ترفعه في صفحة المستندات.

 

بكذا تكون خلصت اجراءات التسجيل وانت الان مسجل بشكل رسمي للتدريب، حتقوم الشركة بتزويدك بمعلومات اكثر عن الطبيب المسؤول عنك قبل البدء بالتدريب باسبوعين.

بالنسبة للمواعيد ومكان التدريب تحديداً فتكون حسب الطبيب المسؤول عنك حتعرف كل شي في أول يوم لك في التدريب، لأن قد يكون الطبيب عامل لك برنامج بحيث تتنقل في أكثر من عيادة و مستشفى.

هذي الخطوات ستنطبق على من يرغب بأخذ تدريب صيفي على حسابه الخاص وليست جزء من المنهج اي لا يوجد علاقة للكلية بهذا التدريب، وفي حالة كان التدريب جزء من المنهج فطرق التسجيل مختلفة حيث تتطلب أوراق من الجامعة وتواصل بينهم وبين الشركة.

 

الدفع:

أنا شخصياٍ سألتهم اني ماحقدر أكمل المبلغ كامل إلا بعد حصولي على الفيزا وكانوا متعاونين ومتفهمين بس طلبوا انك تدفع مبلغ ك Deposit إلى ماتخلص موضوع الفيزا بعدين تكمل الدفع كامل. الدفع حيكون عن طريق رابط يرسله له فيه كل تفاصيل التدريب و السعر لكل شيء وتكمل الدفع بالبطاقة الإئتمانية، المبلغ يشمل أيضاً عضوية سنوية مع الشركة و تأمين ضد الأخطاء الطبية أو اي ضرر ممكن يحصل خلال تدريبك اللي هما  حيغطوه عنك ولكن انت تدفع مبلغ رمزي.

 

فيزا امريكا:

تقديم للفيزا كله اون لاين، حتفتح موقع السفارة الأميريكة في السعودية وتختار تقديم لفيزا غير المهاجرين. يوجد فورم طويل شويا لازم تعبيه، اسمه DS-160 قبل ما تبدأ جهز هذه الأوراق حتى تخلصه بسرعه وماتتعطل، لأن لو طولت ممكن تخلص المدة و تعيده من البداية:

جواز السفر
صورة شخصية جديدة
بطاقة أحوالك
شهاداتك الثانوية والجامعة
جواز والدك/والدتك/ زوجك او زوجتك (مطلوب اسمهم وتاريخ ميلادهم)

مايحتاج تكون حاجز فندق او تذكرك للتقديم بالعكس تنصح السفارة الأمريكية انك ماتحجز إلا بعد ما تستلم الفيزا ولكن الافضل تكون عارف انت فين تبغا تروح وفين تبغا تسكن,  بعد ما تنتهي من الفورم، اطبع الورقة الأخيرة واللي تظهر فيها صورتك

 

موقع السفارة: http://ustraveldocs.com/sa_ar/index.html

رابط الفورم : https://ceac.state.gov/GenNIV/Default.aspx

 

بعد كذا افتح حساب جديد، واعمل طلب موعد حيجيك خيارات الدفع لو كان عندك حساب في بنك سامبا يصير تقدر تحول لو ماعندك حتختار خيار الذهاب للبنك ويطلع لك ورقة فيها رقم طويل اطبع هذي الورقة وروح لبنك سامبا وموظفين البنك حيساعدوك، بعد ماتدفع انتظر يومين يجيك ايميل  باستلامهم للمبلغ وبامكانك الآن تحديد موعد للمقابلة، تقدر تلاقي موعد قريب بس رتب نفسك ورتب أوراقك وأمرها جداً بسيط و الموظفين في السفارة متعاونين.

الأوراق المطلوبة وقت المقابلة:
جواز سفرك.
ورقة الفورم اللي فيها صورتك.
ورقة تأكيد الموعد ( وصلتك بالايميل).
خذ صورة لك احتيطاط.
ورقة تسجيلك في البرنامج التدريبي Letter of enrollment.
ورقة تعريف من الجامعة بأنك طالب.
هل تحتاج الى ورقة كشف حساب؟ الأفضل تاخذ احتياطاً.

 

المقابلة جداً بسيطة وغير معقدة حيسألوك فين رايح؟ اي مدينة؟ ليش؟ كم المدة؟ مين اللي دافع لك تكلفة هذا التدريب؟ قد يسألوك ايش اسم المستشفى اللي حتدرب فيها و الاسم حيكون مكتوب في ال letter of enrollment الافضل انك تكون عارفه. كم سعر التدريب الصيفي كله؟ حتى وان كان مكتوب حيكونوا يبغوا يشوفوا هل تعرف او لا لذلك يُفضل تكون عارف السعر. ممكن يسألوك شويا عن طبيعة دراسة الطب في السعودية بس يتأكدوا انك صادق وفاهم. الأسئلة ماحتخرج عن كدا حضر نفسك جيداً وخليك طبيعي في اجابتك الأمر جداً بسيط بعد ماتنتهي من المقابلة حيقول لك القنصل ايش تسوي هل ترسل لهم جوازك وحيعطيك طريق الارسال، أو حيطلب منك تعدل شي في الفورم وبعدين ترسل جوازك، أو لو كان ورقك ناقص حيقول لك نحنا نتصل عليك، في كل الأحوال لاتتوتر السفارة متعاونة أكثر من ماتتصور و يقولوا لك بالضبط الورق المطلوب و حيتصلوا عليك ويردوا عليك بالايميل او بالتفلون بسرعة. بس تستلم فيزتك احجز تذكرتك و فندقك و رتب نفسك للسفر.

 

حجز السكن:

تفضل الشركة انك ماتحجز شقة إلا بعد ماتجي لأمريكا وتقابل الدكتورالمسؤول عن تدريبك ، في أول يوم حتستلم جدولك بالتفصيل موضح فيها الأماكن اللي حتداوم فيها تحديداً، لذلك الأفضل انك تحجر فندق يكون قريب من المستشفى المكتوبة لك و ، بعد ماتجي تستفسر من الطبيب المسؤول، قد ،يساعدك هو في اختيار أفضل سكن لك هذي  الطريقة اللي أنا اتبعتها، وراح ان شاءالله اكتب مدونة أخرى لفترة التدريب و أوضح أكثر نقطة السكن هل هذا الخيار مناسب أم لا.

قد يبدوا الأمر معقداً، صحيح فيها الكثير من الإجراءات ولكن لو رتبت نفسك خطوة بخطوة حتكون عملية التقديم سهلة كل مافي الأمر ابدأ في التقديم قبل الموعد اللي تبغاه بستة أشهر على الأقل حتى ترتب نفسك بهدوء وفي حالة حصل اي أمر يكون عندك وقت كافي لحله .

سنتطرق في مدونة أخرى عن فترة التدريب نفسها، وسأقوم بتغطية فترة تدريبي على سناب ميديكل زون Medicalzone خلال شهر جولاي

 

كتابة: سارة القرشي

Leave a Reply

Your email address will not be published. Required fields are marked *