The Community of Medical Worker

كل ماتحتاج معرفته عن سنة الاميتاز

1128
1128

سنة الامتياز هي سنة التدريب الاخيرة من مرحلة دراستك في الطب، وكل أحد بالتأكيد بيكون عنده الكثير من الأسئلة بداية من كيف اختار جدولي ؟ وترتيب الروتيشينات؟ إلى أسئلة حول المهام اللي المفروض حسويها و كيف اتصرف وعند مين اروح في أول يوم….الخ

حنحاول في هذي المدونة نغطي أهم المواضيع وتكون كدليل لكل طالب طب قبل سنة الامتياز.

أولاً ماهي سنة الامتياز؟

سنة الامتياز هي أخر سنة من مرحلة دراستك في الطب، وهي سنة تدريب كاملة مدتها ١٢ شهر، وتشمل التالي:

  • شهرين في طب الباطنة internal medicine
  • شهرين في الجراحة العامة General surgery
  • شهرين في طب الأطفال Peditric &
  • شهرين في طب النساء والولادة Ob & Gyn
  • شهر في طب الطوارئ Emergency medicine
  • وثلاث شهور اختياراية Electives

كل شهرين تعتبر روتيشن لوحده تكون في مكان واحد و يتم تقييمك بعد كل روتيشن على حدا من قبل المسؤول عن أطباء الامتياز في القسم.
بعض الجامعات تقوم بتغيير ترتيب الشهور مثل شهرين في طب الطوارئ بدل من شهر واحد وهكذا لذلك يفضل التأكد من ادارة التدريب في الجامعه الخاصة بك.

كيف اختار جدولي واختار المستشفيات؟

هذي النقطة تختلف حسب ضواط وشروط الجامعه الخاصة بك هل تقدر انت تختار بنفسك، ولا تنزل الإدارة مجموعه من الجداول وتختار منها.
كذلك ايش المستشفيات اللي تقدر تاخذ فيها وايش لا، كل هذي الملعلومات تختلف من جامعة لأخرى حسب الإتفاقيات اللي بينها وبين إدارة التدريب للمستشفيات الأخرى.
:بشكل عام هذي بعض النصائح لاختيار افضل جدول وتستفيد بشكل جيد من سنة الامتياز:

  • حدد التخصص اللي تبغى تقدم عليه و أقرأ عن الأماكن اللي في تدريب زمالة لنفس التخصص بحيث تاخذ تدريبك ف نفس المستشفى اللي تبغى تقدم فيه لأن هذي فرصتك انك تقابل المسؤوول عن الرزدينت و القبول ال (RTP) وتثبت نفسك و يصير لمن تقدم للزمالة يكونوا عارفينك وتزيد فرصتك في القبول جداً.
ملاحظة : ال  RTP  هو لقب او مسمى للشخص المسؤول عن كل الزرزدينت في البروجرام في مستشفى معينة قد يكون واحد شخص له سنوات وقد يتغير من سنة الى اخرى لذلك خلال اول اسبوع حاول تعرف مين ال RTP
  • ماعندك تخصص واحد معين تبغاه حاول تحط على الأقل اثنين او ثلاثة تخصصات و خذهم بأول الشهور حتى تاخذ وقتك في انك تجربهم قبل ما تقدم على التخصصات وتقدر تختار مابينهم.
  • الشهور الاختيارية خذها في تخصصات أخرى غير التخصصات الرئيسية اللي أصلاً حتاخذها حتى لو كنت تبغى تخصص منهم مثل باطنة او جراحة بس استفيد من هذي الشهور وخذ حاجات مساندة للتخصص او تخصصات دقيقة مثلاً لو كنت مهتم بالجراحة خذ واحد من الشهور الاختيارية في Vascular surgery بدل ما تاخذه في جراحة عامه وهكذا.
  • التقديميات على التخصصات تبدأ دائماً في شهر يناير / فبراير/ مارس / ابريل طبعاً تشمل التقديم الاكتروني و المقبالات..الخ لذلك حاول تاخذ الروتيشينات اللي تبغا تقدم في التخصص قبل هذي الشهور بحيث تكون معك Letter pf Recommendation من ال RTP وزي ما قالنا تكون اثبت نفسك في القسم و تزيد فرصة قبولك
  • طبعاً في نقطة مهمه وهي ” اختبار الهيئة ”  حط في بالك انك تقريباً من شهر اغسطس الى شهر ديسمبر انت حتكون مشغول بالمذاكرة و الاختبار لذلك حاول تاخذ روتيشن في مكان ما يكون فيه شغل كثير في نفس الشهر اللي راح تختبر فيه فمثلاً لو كنت ناوي تختبر في نوفمبر حاول ترتب جدولك بحيث يكون شهر نوفمبر و اكتوبر في تخصص/ مستشفى خفيفة ما تدقق على الحضور والغياب ومافيه شغل كثير حتى تخرج بدري وفعلاً تكون متفرغ للمذاكرة لأن في هذا الوقت اختبار الهيئة هو أهم من اي شيء آخر طبعاً تقدر تاخذ وقتها أحد الشهور الاختيارية حقك في مكان مايكون فيه دوام و يصير بس تجلس بالبيت وتذاكر !!
  • ابحث عن المستشفيات اللي فيها بورد سعودي او دراسة تخصص، كيف تعرفها؟ من خلال  موقع الهيئة السعودية للتخصصات الصحية. للذهاب للصحة اضغط هنا

ايش المطلوب مني كطبيب امتياز؟

يختلف دورك في التيم حسب التخصص و المستشفى ولكن عموماً انت دورك مساعد للرزدينت أو يد ثانية للتيم في حال كانو يحتاجوا أي شيء راح يطلبوه منك ( تكمل ورق، تودي مريض لل CT ، او تاخذ هيستوري كامل من المريض..الخ) طبعاً أول يوم في الروتيشن راح تقابل انت وباقي الانتيرنز اللي معك المسؤول عنكم وهو/هي راح يشرحوا لكم المطلوب مهم تحضر أول يوم لأنهم راح يشرحوا لك بالضبط ايش المطلوب لان المهما تختلف من مستشفى لأخرى ومن قسم لقسم.

في أغلب الأقسام راح تكون مع التيم المسؤولين على المرضى في جناح التنيوم ، ودائما راح يكون في رزدينت معك مسؤول عن المرضى اللي انت مسؤول عنهم. اللي بيصير في أغلب الأوقات هو كالتالي:

الدوام يبدأ بالمورنيق ميتنق . بعد المورنيق ميتنيق بتروح للقسم راح يجتمع التيم و حتكونوا انتو التيم المسؤول عن مرضى استشاري معين فمثلاً يوجد تحت اسم هذا الاستشاري خمسة مرضى منومين. وانتو في التيم ثلاث اشخاص ( اثنين رزدينت وانت  طبيب امتياز) اللي بيصير انكم بتقسموا الحالات بينكم كل واحد مسؤول عن حالة او حالتين طبعاً انت ماحتكون مسؤول لوحدك معك واحد من الرزدينت هو اللي بيكون مشرف عليك بس انت اللي راح تروح وتشوف المريض وتفحصه و وقت الراوند مع الدكتور الاستشاري ممكن انت بتقدم الحالة و بيسألوك عن تحاليل المريض لو فيه اي شي جديد وهكذا .

فانت قبل ما يبدأ الراوند روح شوف مرضاك، افحصهم و طبعاً لازم تسألهم عن حالتهم هل في اي اعراض جديدة او هل الأعراض اللي جو بيها تحسنت او لا وبعد كذا بتروح لملف المريض وبتشوف اخر تحاليه لو عمل أشعه هل طلعت او لا ولو في تقرير ايش مكتوب فيه. لو انكتب له استشارة لطبيب اخر مثلا طبيب قلب هل شافه ام لا لو شافه ايش كان رده وهكذا كل هذي المعلومات بتكتبها في ورقة معك لان وقت الراوند انت اللي بتقول  كل هذي المعلومات وأيضاً مهم انك تشوف الأدوية اللي هو عليها الآن وجرعاتها. وهل أخذها او لا لوكان بياخذ مضاد لازم تنتبه هو في اي يوم الآن  هل كمل الكورس ولا لسا وهكذا. تقدر أيضاً تسأل الممرض/ة المسؤول/ة عنه هل في اي شي جديد…الخ

طبعاً لمن يكون مريض متنوم جديد تحتاج تاخذ هستوري كامل وكل يوم بتشوفه خلاص بتكتفي بس باخذ المعلومات الجديدة . دائماً راح يعطوك الحالات المستقرة اللي هي في أغلب الأوقات راح تجلس يومين او ثلاثة وتخرج . ماراح يعطوك حالة غير مستقرة او حالة متنومة في العناية المركز او دوبها خرحت من العناية

وطبعاً الرزدينت بيكون مطلع على الحالة وهو برضوا بيشوف تحاليل المريض وبيدخل عليه ولكن لو لاحظت اي شي غير مطمئن او تحاليه غير مرضية او في دواء ما اخذه فروح بلغ الرزدينت لاتعتمد على انه هو ايضا حيطلع على المريض.

نجي لوقت الراوند: راح يجي الاستشاري وبتمروا على المرضى كلهم. كل رزدينت ارح يبلغ الدكتور عن الحالة على السريع اهم التحاليل لو في شي عالي او منخفض لو في تقرير جديد و الادوية على السريع وبعد كذا الدكتور بيشوف المريض وبيقول الخطة العلاجية ” Plane” هل المريض خلاص بيخرج او بيقول كلموا على نفس العلاج او غيروا الجرعه وهكذا. هذي الحزئية هي مسؤولية الرزدينت تماماً لكل المرضى انت مالك غير مسؤول ولكن اكتب ايش بيقول الدكتور على مريضك لان مرات ما بيسمع الرزدينت كويس او بيلخبط فانت بتكون معاه زي تأكيد .

بعد الرواند راح يبدأوا الرزدينت يشتغلوا على الخطة العلاجية للمرضى و يدخلوا ال Orders ويتابعوها انت دورك هنا حتكون مساعد لهم لكل المرضى . مثلا أي مريض يحتاج أشعه بتنزل معاه او بيطلبوا منك تتأكد من معلومة معينة بتروح تسأل المريض.

بعض الأقسام ممكن يخلوك تكتب Progress notes وهي بكل بساطة كل المعلومات اللي جمعتها عن المريض قبل الراوند

هذا مثال عن ال Progress notes:

1.Start with brief History :

A 15 years old male, medically free came to the ER complaining of Fever and vomiting since 3 days admitted as a case of gastritis

طبعا تقدر تضيف ملعومات زايدة بسيطة عن الأعراض بس حاول انه مايزيد عن ثلاث سطور

2. than you write about his condition today starting with:
patient seen today, and start writing about him, for example ” looks well, vitally stable, no active issue no new complaint ” than start updating about his main complain ” no more fever, last Temperature was 36 and last time vomited  was yesterday” or if not than you have to start saying exactly what is happening.

3. then write the Examination finding:
Start with his Vitals : Temperature, RR, Pulse , Blood pressure
than your examination :
Chest : Bilateral equal air entry…ect
Cardiac: S1 + S2 + 0
Abdomen : soft and lax ?
Neuro : intact

of course you start with the system that is related to his complain, and if there is any finding than you have first to confirm it with the resident than if he agree with you, you can document it.

4. then write the investigations:
the patient last labs, if there is any update, or any labs still pending, if his did any imaging than what is the results.

5. then write he patients current medication with doses and frequency 

6. then write your impression : which means your diagnosis and if he is improved or not

7. lastly is the Plane : which will be written by the Resident

مهم جداً ان الرزدينت يقرأ النوتة حقك ويتأكد منها تفادياً لاي مشاكل او لخبطة حتى تتمكن من كتابتها و تعرف كل قسم ايش يبغى تحديداً فمثلاً كتابة نوتة لمريض في قسم الأطفال يختلف تماماً عن كتابة نوتة لمريض في قسم الجراحة ويختلف أيضاً عن نوتة لمريض في قسم الباطنة كل قسم في ملعومات معينة مهم انك تكتبها

التقييم:

لازم يتم تقييمك بعد كل روتيشن، وفي كل مستشفي وكل قسم يختلف مين اللي راح يقيمك . فأول يوم راح يقولوا لك مين المسؤول عن التقييم وطبعاً حاول إنك تثبت نفسك قدام هذا الشخص تحديداً حتى يعرفك ويقمك صح. طبعاً هما بيقيموك على حضورك  وانضباطك ، هل بتحضر المورنيق ميتينق او لا، هل بتكون متواجد في الرواند وبتقدم حالات وتكتب نوت للمرضى او لا كل ما كنت بتشتغل وبيشوفك كل ماكان تضمن تقييم عالي طبعا المورنيق ميتنق هو فرصة لانك تشوف كل أطباء القسم خصوصاً لوكنت مهتم بالتخصص فمهم يشوفوك و يعرفوك

المناوبة / oncalls:

المنوبات تختلف من قسم لأخر ومن مستشفى لأخرى وعددها يعتمد علي عدد أطباء الامتياز اللي بيكونوا معك طبعا كل مازاد عددكم كل ما قلت عدد  المنوبات ممكن يكون عندك مناوبتين في الشهر وممكن يكون عندك ٥-٦ مناوبات . طبعاً في المناوبة بيكون معك طبيب مقيم مناوب ممكن اثنين وممكن ثلاثة و بيكون في طبيب أخصائي مناوب  أيضاً وكلكم بتكونوا مناوبين عن طبيب استشاري اللي الحالات لو دخلت بتكون تحت اسمه

الآن كم مدة المناوبة ؟ من ١٢ ساعة – ٢٤ ساعة حسب القسم وحسب المستشفى . في اول يوم في الروتيشن راح يقولوا لكم كل هذي المعلومات ويتم التقسيم خلال اول يومين ومرات من قبل ما يبدأ الروتيشن راح يتواصلوا معك في الواتس اب و يضيفوك بقروب و يقسموا المناوبات

لو في أيام محددة ماتقدر تناوب فيها بلغ المسؤول عن تقسيم المناوبات من أول يوم وهو بيرتب الجدول بحيث ماتنزل مناوبة في هذي الأيام

ايش المطلوب تسويه بالمناوبة؟ راح يختلف من قسم للآخر بس بشكل عام لازم تتصل على الأطباء المناوبين معك وتبلغهم انك انت طبيب الامتياز اللي مناوب معهم وهما راح يكلموك لو يحتاجوا اي شيء وتقدر تروح للقسم وتحط رقمك عن التمريض لو في اي شي يكلموك بس عموما لو في شي يبغوه منك فبيكون أشياء بسيطة مثلاً تعبي ورقة معينة لمريض أو لو في مريض للتنويم فتنزل تاخذ منه هيستوري كامل ويعني تأكد ان مافي اي مريض بتشوفه إلا و الرزدينت شافوها قبل لك و فحصوها و خلصوا كل شي والحالة مستقرة بس تعبي ورق خاص بملفه. لو كنت مهتم بالتخصص فالمناوبة هي فرصتك انك فعلاً تعيش التخصص وتعرف كيف بيكون شغلك و يفضل لو انك تبلغ الرزدينت انك انت مهتم بالتخصص حتى يكلموك لو جات اي حالة وتنزل تشوفها معهم وهي دوبها جاية وتشوف كيف هما بيفحصوا وكيف بيتعاملوا مع الحالات وعلى اي اساس بيقرورا هذي الحالة تحتاج تنويم او خروج

بشكل عام سنة الامتياز هي سنة إنتقالية مابين كونك طالب وكونك طبيب. وتعطيك فرصة إنك تجرب كيف الشغل في كل قسم وكيف راح يكون البروجرام . نصيحة حاول إنك تستمتع فيها قد ماتقدر وفي كل قسم تروحه خليك رزدينت في هذا التخصص حتى لو كنت غير متهم فمثلاً لو كنت في روتيش طب الأطفال فخلاص انسى كل الأقسام الأخرى واشتغل انك طبيب أطفال و اقرأ وتعلم وكأنك حتدخل هذا التخصص. لأنك في النهاية راح تقابل كل المرضى بجيمع الأعمار بكل الأعراض في أي قسم كنت و مهم إنك تكسب مهارة و تاخذ علم من كل قسم.

وبالتوفيق لكم جميعاً في حال كان عندكم اي استفسار او تعليق بامكنكم كتابته في التعليقات وراح نجاوبكم

Leave a Reply

Your email address will not be published. Required fields are marked *