Personal Experiences, SMLE (Saudi Medical Licensing Exam)

تجربتي في اختبار الهيئة التجريبي

162
162

 

اختبار الهيئة يعتبر من أكثر الأشياء اللي ممكن تحدد قبولك أوعدم قبولك في التخصص اللي ترغب بيه، عشان كذا لمن قرأت عن وجود اختبار تجريبي حسيت انها فرصة جيدة لأني أشوف طبيعة الاختبار وأشوف مستوايا بس تفاجأت بعدم وجود أي معلومات واضحة عن الإختبار في موقع الهيئة. لذلك .ححاول إني أغطي في هذه المدونة عن أهم المعلومات لكل أحد يرغب بأن ياخذ اختبار الهيئة التجريبي

 

معلومات عامة عن الاختبار:

  • الاختبار تجريبي، بمعنى لايوجد عليه درجات.
  • تقدر تاخده من سنة السادسة و سنة الامتياز في اي وقت
  • عدد الأسئلة ١٠٠ سؤال، من نفس بنك الأسئلة حق الهيئة
  • راح تختبر في نفس مكان اختبار الهيئة الأساسي و تمشي بخطوات التسجيل نفسها و الحضور والدخول والتفتيش وكل الخطوات كأنه اختبار أساسي

 

طريقة التسجيل:

التسجيل في الاختبار التجريبي لا يتطلب وجود موافقه من العميد زي الاختبار الأساسي ولكن أي ورقة تعريف بك كطالب تكفي، راح تقدم للاختبار بنفس خطوات الاختبار الأساسي وهي:
– رفع طلب من خلال الموقع ثم انتظار الموافقة والتي ستصلك على الايميل لمن توصل لك الموافقة راح يكون فيه رقم التفعيل و رابط التسجيل. تضغط .على الرابط وتكمل اجراءت التسجيل خطوة بخطوة

 

رابط التسجيل:

اضغط هنا

١. بعد فتح الرابط راح يظهر لك هذا الاستبيان. قم بتعبئة البينات

 

٢. انتظر حتى يوصل لك ايميل الموافقة بالطلب من الهيئة. تاخذ الموافقة مدة يومين الى خمسة ايام في حالة الرفض تقدر تتواصل معهم لمعرفة السبب او اذا كان في نقص في المعلومات المطلوبة

هذا ايميل الموافقة:

٣. التسجيل وتحديد موعد الاختبار

التسجيل في الموقع واضح وسهل حتضغط على Schduale my appointment a وبعد كذا عبي البيانات حسب المطلوب واختار Saudi medical licening exame ( Practical )
بعد كذا اختر المدينة ، الموقع، والتاريخ و الوقت . في بعض المدن تلاقي اختبار التجريبي متوفر في مراكز غير مركز الهيئة الأفضل خذ في نفس مكان الهيئة حتى تشوف المكان اللي حتختبر فيه. رسوم الاختبار التجريبي ١٢٩ دولار و الدفع عن طريق البطاقة الإئتمانية

 

يوم الاختبار:

راح يوصل لك ايميل تذكري قبل الاختبار بيومين، وفي يوم الاختبار اطبع ورقة تأكيد الموعد وخذ معك بطاقة الهوية، ولمن تدخل لمبنى الهيئة راح تروح لنفس مكان اختبار الهيئة الأساسي وراح تلاقي اسمك نازل مع نفس قائمة المسجلين للاختبار الأساسي. زي ما كتبت سابقاً حتكون خطوات الدخول للاختبار والتفتيش كاملة زي الاختبار الأساسي وهو شي جيد حتى تكون عارف يوم الاختبار الخطوات وماتتوتر.
لمن تدخل للغرفة الاختبار راح ينفتح لك السيستم ١٠٠ سؤال لمدة ٣ ساعات تقريبا بدون وجود بريك (وقت استراحة) الأسئلة اللي حتجيك فقط في التخصصات المايجور :
Medicine
Surgery
Pediatric
OBYGYN

طبعاً السيستم جداً سهل، فيه كل شي، ماتحتاج تجيب معك اي شي وراح يعطوك ورقة وقلم/او بورد . موجود في السيستم آلة حاسبة وتقدر تعمل flag لللأسئلة اللي تبغى ترجع لها لاحقاً وتقدر ترجع وتراجع كل الأسئلة في اي وقت خلال فترة الإختبار
لمن يعطوك تحاليل في أغلب الأوقات يكون مكتوب ال normal range بين قوسين
وبعد مانتنهي من الاختبار راح يطلع لك كم جاوبت صح من ١٠٠ سؤال وبعد كذا يطلع لك بالتفصيل كم صح وكم خطأ من كل قسم
مثلا جبت ٧٠ من ١٠٠ سؤال
٣٠ ميديسن جاوبت منهم ٢٠ صح و ١٠ خطأ وهكذا

وانت خارج راح يطبع الموظف هذا التقرير ويعطك هو الصراحة جداً مفيد لانك تقدر تشوف فين اكثر قسم غلطت فيه وتركز فيه في داستك.

 

هل أنصح باخذ الاختبار التجريبي؟

الإختبار مناسب لأنك تقييم نفسك يعني تقدر تاخذه قبل الاختبار الأساسي بشهر او ٣ اسابيع او للناس اللي لسا ما بدأت مذاكرة وتبغا تشوف مستواها قبل ماتبدآ كمان لطلاب سنة سادسة أحس انه جداً جداً مفيد لو انكم خلصتوا اختبارات وخلصتوا من السنة السادسة كاملة واخذتوا اختبار تجريبي أول ماتخلصوا يعطيكم فكرة عن الإختبار و عن مستواكم قبل ماتبدأوا تذاكروا من اي مصدر

في ناس تفضل انها تسجل في الإختبار وتحتسب لها فرصة على انها تاخذ اختبار التجريبي انا شخصياً استفدت من التجربة و انصح بها لاي احد يكون يفضل انه يدخل وهو مستعد على انه يدخل فقط للتجربة وزي ما كتبت سابقا التقرير النهائي كان مفيد جداً و تجربتي خلتني بعد ما اخرج اعرف فين  نقاط الضعف عندي وصرت بركز على كل مرض بشكل أوضح قبل .
الشيء الثاني ان جربت السيستم و المكان ف وقت الاختبارا لأساسي انا خلاص تعودت على السيتسم وبسرعه حليت
غير انه شفت طريقة الأسئلة لأن مهما قرأت من أسئلة تجميعات أو مواقع ماهي نفس الإختبار الأساسي لمن يجيك سؤال كامل موجودة 4 خيارات مختلفة يعني صرت بعدها لمن أقرأ السؤال في التجمعيات أقدر استوعب كيف حيجي تحديدا
الصراحة انصح بيه بالذات للاشخاص اللي تبغا تدخل عشان تجرب وماهي مسعتدة ١٠٠٪ للإختبار فالواحد يدخل و يوفر فلوسه وجهده ويجرب

 ان شاء الله أكون غطيت أهم النقاط اللي اي احد يحتاج يعرفها للاختبار التجريبي و لو أحد عنده سؤال عن الاختبار التجريبي اكتبوا في التعليقات

Leave a Reply

Your email address will not be published. Required fields are marked *